ءبىز ادەتتە قۇقىق قورعاۋ ورگاندارى مەن پوليسيا وكىلدەرىن كىنالاپ جاتامىز. ءبىراق ولاردىڭ ىشىندە دە ءوز كاسىبىن ادال اتقارىپ، قيىن جاعدايدا كومەك قولىن سوزاتىندار كوپ.
22 جەلتوقسان كۇنى جامبىل وبلىسى اۋماعىندا قارلى بوران سوعىپ، كوپتەگەن جۇرگىزۋشىلەردىڭ جولدا قالعانى ءمالىم. وسىناۋ قيىن قىستاۋ، قارلى بوران كەزىندە جولعا شىعىپ، قارلى بوراندا جۇرگىنشىلەرگە ۆيدەو ارقىلى ۇندەۋ جاريالاعان پولكوۆنيك كىم؟ انىقتاپ بىلگەنىمىزدەي، ول جامبىل وبلىسى پوليسيا دەپارتامەنتى جەرگىلىكتى پوليسيا قىزمەتى باسقارماسى باسشىسىنىڭ ورىنباسارى سامات قۇسايىنوۆ بولىپ شىقتى.
ول قۇقىق قورعاۋ سالاسىندا 30 جىلدان استام ۋاقىت بويى قىزمەت ىستەيدى. جاسى-53-تە.
– اۋا رايىنىڭ قولايسىزدىعىنا بايلانىستى جۋالى اۋدانىنىڭ اۋماعىندا ءبىر كۇننەن بەرى جول جابىق. قاتتى جەل سوعىپ تۇر، بوران، جولدىڭ كورىنۋ قاشىقتىعى قيىن. وتە ءقاۋىپتى. سوندىقتان دا جۇرگىزۋشىلەر قوزعالىستى تەجەپ، جاقىن ەلدىمەكەندەردى قالۋلارىڭىزدى سۇرايمىن، – دەيدى ول ۆيدەوۇندەۋدە.
...ءقازىر بوران باسىلدى. جول اشىق.
